Hér eru myndir af hjólunum, smelltu á myndina til að stækka hana.

Honda VTX 1800

Honda Shadow 750

Hverjir ætla í helgarferðina á Sigló 2.júlí næstkomandi ? Lítill fugl hvíslaði því að mér að aðeins tveir Úlfar væru búnir að ákveða að fara (Gústi og Renzo). Ef það eru einhverjir fleiri sem ætla þá væri vænlegt ef þeir myndu commenta hér

Grillveisla Kveldúlfa er á miðvikudaginn 16.júní 19:00 hjá Renzo í kópavoginum. Nánar tiltekið a Birkihvammi 15 – 200 kópavogi.

Allir að commenta sem ætla að mæta, svo við vitum hvað við þurfum að versla mikið inn.

Makar og börn sérstaklega velkomin

Á fyrsta rúnt sumarsins mættu 3 Kveldúlfar til að hjóla + 1 á Húsbíl

Ætla einhverjir úlfar að taka hring annað kvöld ? þriðjudaginn 8.júní 2010. Hittingur klukkan 20:00 í Draumaís í Bæjarlindinni.
Þið megið endilega commenta ef þið ætlið að mæta

Annars er fyrsta helgarferðin samkvæmt planinu næstu helgi,

12.júní
Snæfellsnes, stykkishólmur, Baldur ferja, Brjánslækur – 2ja daga ferð.

Hver ætlar að skella sér í hana ?

Síðustjórnandi veit ekki um neinn sem ætlar að fara, og eru Kveldúlfarnir frekar seinir í gang í ár miðað við síðustu ár. En vonandi rætist nú eitthvað úr því þegar líður á

Fyrsti skipulagði þriðjudagsrúnturinn okkar er á morgun, þriðjudaginn 1.júní 2010 klukkan 20:00. Sú breyting verður á í sumar að við ætlum að hittast í bestu ísbúð heims, en það er Draumaís í Bæjarlind 14-16 Kópavogi.  ÓB bensín er þar skammt frá, þannig að þið getið tankað þar áður en við skellum okkur rúnt.

Þar sem það var arfaslök þátttaka á Skoðunardeginum (aðeins 2 úlfar mættu, BK og G.Guð), þá er vonast til betri þátttöku á morgun. Hvetjum alla Kveldúlfa til að mæta, hvort sem þeir ætla að hjóla eður ey (þessi skilaboð eru til dæmis til Hrólfs og Lenos)

Sjáumst annað kvöld í blíðunni!

Fjölmennum!

Skoðunardagur Arna er næstu helgi í innri Njarðvík. Nánar tiltekið laugardaginn 29.maí 2010 frá 10:00 – 16:00 Þar er veittur 50% afsláttur af skoðunargjaldi bifhjóla.  Og boðið upp á grillaðar pylsur og kók í hádeginu.

Þurfa ekki einhverjir Úlfar að láta skoða hjólin sín ?

Það væri ráðlegt að leggja af stað í síðasta lagi klukkan 10:00, því eftir hádegi þarna myndast oft langar raðir.

Hverjir mæta ? Svara hér í comment eða skrifið í Gestabókina.

Nánari lýsing:

1. maí – Látum í okkur heyrast !

Þann 1. maí hefur um árabil verið haldin forvarnardagur Snigla með hópkeyrslu um borgina til að minna aðra vegfarendur á að mótorhjólin eru komin út á göturnar. Þetta ár er engin undantekning og er ætlunin nú sem fyrr að minna rækilega á okkur á götum borgarinnar og á sama tíma vekja athygli á málstað okkar en fyrir alþingi liggur frumvarp til nýrra umferðarlaga, þar sem lítið tillit er tekið til athugasemda mótorhjólamanna.
Safnast verður saman á Laugaveginum frá klukkan 10:30, hann fylltur af mótorhjólum upp úr öllu (Laugarvegur verður lokaður umferð á meðan) Keyrslan sjálf leggur af stað 11:30 niður Bankastræti og þaðan um Vonarstræti milli alþingis og ráðhúss Reykjavíkur, þar sem ætlunin er að láta aðeins heyrast í hjólunum og / eða flauta til að vekja athygli á málstað okkar. Leiðin liggur svo um Hringbraut, Bústaðaveg, Kringlumýrarbraut og Reykjanesbraut áður en keyrslan endar í Kauptúni gengt IKEA.

Aksturslýsing:
Fyrstu hjólin munu safnast saman við mót Bankastrætis og Laugavegar og þannig mynda röð eftir Laugaveginum. Búist er við á milli 600-1000 mótorhjólum svo að ef það fer að teygjast á hópnum er hægt að beina nokkrum hjólum upp á Skólavörðustíg. Mæting hjólanna er á milli 10:30 og 11:15 og mun keyrslan renna af stað stundvíslega kl 11:30. Ekið verður niður Bankastrætið og beygt til vinstri Lækjargötuna og svo til hægri inn Vonarstrætið. Ekin er Suðurgatan til vinstri og eftir henni að hringtorginu á Hringbraut sem verur lokað tímabundið. Hringbrautin er ekin að Bústaðavegi og Bústaðavegur að Kringlumýrarbraut. Kringlumýrarbraut er ekin að brúnni á Arnarneshæð þar sem ekið er til vinstri eftir Arnarnesvegi gegnum Garðabæ að nýju Reykjanesbrautinni. Loks er ekið eftir Reykjanesbrautinni að slaufunni við kauptún og endar keyrslan fyrir utan Kauptún.

Á síðasta kaffifundi var soðið saman uppkast af ferðaplani fyrir sumarið 2010

Það er núna komið inn á síðuna undir “Ferðaplan 2010” – Það gæti breyst eitthvað, þannig að það er um að gera að fylgjast vel með síðunni

Fundurinn hefst mánudaginn 1.mars 2010 (afmælisdagur bjórsins) klukkan 20:00 á Rebel.

Vonandi sjáum við sem flesta úlfa á staðnum. Fáum okkur kaffi og förum yfir stöðu mála

Nú hefur félagsstarf að mestu legið niðri frá því í haust, og úlfarnir að mestu verið í hvíld frá hjólamennsku. En núna verður breyting á og ætlum við að hittast á mánudagskvöldum klukkan 20:00 á Rebel klippibúllu hjá Hrólfi

Taka spjall og kaffibolla, hrista hópinn aðeins saman fyrir sumarið og taka púlsinn á félagsmönnum. Við þurfum t.d. að fá það á hreint hvort Tumi sé búinn að kaupa sér hjól eður ei

En fyrsti fundur ársins 2010 verður haldinn næstkomandi mánudagskvöld 15.febrúar klukkan 20:00 á Rebel klippibúllu hjá Hrólfi (Nýbílaveginum við hliðina á american style). Sjáumst þá!